Maria, Tala sa Karagatan
Sa Ingles, ito ay Mary, Star of the Sea at sa Latin naman ay Maria, Stella Maris.
- Titik ni : Felipe Fruto Ll. Ramirez, S.J.
- Inawit ng: Himig Heswita
- Mula sa Album ng: O, Bayan ng Diyos na inilimbag ng Jesuit Music Ministry (JMM)
I.
Sa ‘ming paglalakbay dito sa lupa
Ikaw ang aming gabay na tala
Na umaakay kapag kami ay
Sa tamang landas nahiwalay.
II.
Sa ‘ming paglalayag sa kadiliman,
Sa buhay na punong panganib, pangamba,
Ikaw ang tala sa karagatan,
Liwanag mo’y tanglaw sa twitwina.
Tulay
Ika’y tala sa umaga,
Hudyat ang araw ng pagligtas.
III.
Santa Maria, mahal naming ina,
Ipanalangin mo kami sa Diyos Ama,
Upang si Kristo, aming hantungan,
Sa dulo ng landas matagpuan. Ulitin ang III
Fade
Sa dulo ng landas matagpuan
